Xəbərlər


RSXM ƏMƏKDAŞLARI BAYIL ŞOSSESİNDƏ SÜRÜŞMƏ TƏHLÜKƏSİ İLƏ BAĞLI TƏDQİQATLARA BAŞLAYIBLAR

 
12 oktyabr 2018-ci il

AMEA nəzdində Respublika Seysmoloji Xidmət Mərkəzinin (RSXM) əməkdaşları paytaxtın Badamdar-20-ci sahəni birləşdirən Bayıl şossesində yaranmış sürüşmə təhlükəsi ilə bağlı bu gün ərazidə tədqiqat işlərinə başlayıblar.

Aparılacaq kompleks tədqiqatlar zamanı sürüşmənin inkişaf dinamikası, istiqaməti, sürüşməyə məruz qalan ərazinin ölçüləri, sürüşmə müstəvisi, onun dərinliyi, yatım bucağı və digər problemlər araşdırılacaq.

Xatırladaq ki, bu ilin əvvəlində Bayıl yamacında baş vermiş sürüşmə ilə bağlı RSXM bir neçə ay ərzində kompleks tədqiqatlar aparıb və həmin araşdırmaların nəticəsi Nazirlər Kabinetinə təqdim edilib.




GGİ-nin İctimaiyyətlə əlaqələr şöbəsi

Əlaqə: 050 370 88 44; (012) 539 39 62
[email protected]