Xəbərlər

01 Nov 2017 Diqər xəbərlər

Tektonofizika və geomexanika şöbəsi

• litosferin təkamülünün qeyri-klassik modeli;
• geodinamikanın deformasiya prosesləri;
• zəlzələlərin geodinamikası;
• seysmikanın qeyri-klassik xəttiləşdirilmiş nəzəri baza modeli;
• seysmik informasiyanın emalı və interpretasiyasının müasir kompüter proqram paketləri;
• dağ-mədən mexanikasının problemləri.

• Tarazlıqlı vəziyyətlərin dayanıqlığının müxtəlif formalar üzrə itirilməsi yolu ilə qarışıqların yaranması və inkişafının riyazi modeli işlənilmişdir.
• Yerin və onun struktur elementlərinin geodinamiki inkişafının ümumi fiziki prinsipləri təklif edilmişdir.
• Yer təkinin müxtəlif dərinliklərində şaquli (meridional və ekvatorial müstəvilərdə radial yerləşmə) və lateral (üfüqi) yarılmaların nəzəri cəhətdən yaranma mütləqliyi əsaslandırılmışdır.
• İzotrop və anizotrop mühitlərin üçölçülü dayanıqlıq nəzəriyyəsi əsasında elastik, elastik-plastik kiçik və böyük deformasiyalar nəzərə alınmaqla quyu və yeraltı qaz anbarlarının ətrafında tarazlıq vəziyyətinin dayanıqlığının itirilməsinə müvafiq gələn böhran parametrlərin müəyyən edilmə üsulları işlənilmişdir.
• Yer təkində müəyyən şəraitlərdə struktur, səthi və “daxili” dağılma tipli proseslərin ardıcıllı-ğının baş verməsi müəyyən edilmişdir.
• Şaquli hərəkətlərin və dağəmələgəlmənin orijinal mexanizmi təklif edilmişdir.
• Mühitlərin qeyri-xətti deformasiyaya uğramasını, gərginlikli olmasını və həndəsi strukturunu nəzərə almaqla Yerin daxili struktur parametrlərinin müəyyən edilməsi metodu işlənilmişdir.
• Geoloji mühit sıxlığının deformasiyadan asılılığı qeyri-xətti qoyuluşda həll edilmiş, bu asılılığın dayanıqsızlığı müəyyənləşdirilmiş, sıxlığın Yer təkinin bütün dərinliyi üzrə paylanmasının yeni sxemi verilmişdir.
• Seysmikanın qeyri-xətti xəttiləşdirilmiş nəzəri baza modelinin nəzəri əsasları işlənilmişdir.
• Geoloji mühitin, müasir geodinamiki proseslərin təsiri nəzərə alınmaqla, petrofiziki və elastiki parametrlərinin təyininin metodu təklif olunmuşdur.

• əks olunmuş dalğaların qodoqrafının qeyri-hiperbolikliyinin nəzərə alınması ilə seysmik informasiyanın sürət təhlili;
• seysmik anizotropiya;
• seysmik anizotropiyanın və əksolunma əmsalının üçhədli aproksimasiyasının nəzərə alınması ilə AVO təhlili;
• AVO təhlilinin nəticələrinin krossplottinqi;
• müasir geodinamik proseslərin təsirini nəzərə almaqla kompleks geofiziki məlumatların işlənilməsi və geoloji şərhi.
   

Paylaş